Трикатна зграда денеска делумно се урна во Хаг по пожар и експлозија, соопштија пожарникарите додека трагаа по луѓе под урнатините. Според првите информации, околу 20 лица се затрупани под урнатините.
Службите за итни случаи трагаат по луѓе и го гаснат пожарот“, соопштија од градската противпожарна служба.
Експлозијата се случила утрово во 6 часот и 15 минути, по што избувнал пожар и делови од зградата се урнале, а пет до седум станови биле целосно уништени, пишува „АН-Ел Тајмс“.
In de wijk Mariahoeve in Den Haag heeft vanochtend een enorme explosie plaatsgevonden. Daarbij is een portiekflat deels ingestort. Hulpdiensten zoeken onder het puin naar mensen.https://t.co/bkf0r0EJVd pic.twitter.com/xM8TcqCOxA
— Symphony (@Symphony_res) December 7, 2024Спасувачите не знаат колку луѓе се уште се под урнатините, ниту пак што можело да ја предизвика експлозијата во оваа зграда која се наоѓа недалеку од центарот на градот. Спасувачките служби, вклучително и специјалистички тимови за урбано пребарување и спасување (УСАР), четири кучиња чувари и градежни инженери присуствуваа на местото на настанот.
Како што јави локалниот медиум Regio15 спасени се неколку лица.
Четири лица повредени во експлозијата се пренесени во болница, соопштија пожарникарите. Градоначалникот Јан ван Заанен го посети местото на несреќата за да ги координира напорите за спасување, според Regio15.
Неколку ката од зградата се чини дека се уништени во експлозијата, според Regio15. На првото видео од местото на настанот што го емитува јавниот канал НОС, се гледаат неколку десетици пожарникари кои го гаснат пожарот.
Експлозијата предизвика сериозна штета и на околните згради, а неколку улици во областа беа затворени од безбедносни причини.
