Европската Унија го поздрави потпишувањето на Договорот за подготовка, изградба и оперативност на меѓуграничниот железнички тунел на Коридор 8 меѓу Македонија и Бугарија.
На „Х“ мрежата, претседателот на Европскиот Совет, Антонио Кошта напиша дека изградбата на железницата е потик во регионалниот развој и зајакнување на регионалната безбедност.
Го поздравувам потпишувањето на договорот за прекуграничниот тунел на Коридорот 8 меѓу Бугарија и Македонија – голем чекор напред во соработката меѓу двете земји и промоција на добрососедските односи. Освен што развива билатерални врски, новата железница ќе го поттикне регионалниот просперитет и ќе ја зајакне нашата заедничка безбедност“ стои во објавата на претседателот на Европскиот Совет.
I welcome the signing of the Corridor 8 cross-border tunnel agreement between Bulgaria and North Macedonia— a big step forward in the cooperation between the two countries and promotes good neighbourly relations. Besides developing bilateral bonds, the new railway will boost…
— António Costa (@eucopresident) November 7, 2025Исто така и еврокомесарката Марта Кос го поздрави потпишувањето на Договорот и објави:
Бугарија и Македонија се согласија да ја продолжат работата на Коридорот 8. Клучен проект што ги поврзува Јадранското Море со Црното Море преку пат и железница. Ова е важен чекор за градење доверба преку регионална поврзаност, заеднички просперитет и комуникацијата меѓу луѓето“ напиша еврокомесарката Кос.
Bulgaria & North Macedonia agreed to advance work on Corridor VIII.
A key project connecting the Adriatic Sea with the Black Sea via road & rail.
This is an important step to build trust through regional connectivity, shared prosperity & people to people contacts.
— Marta Kos (@MartaKosEU) November 6, 2025
