ADIN 760.00 1.20%

ALK 18,161.66 1.69%

GRNT 1,250.12 0.01%

KMB 12,896.69 1.43%

MPT 73,300.00 0.27%

OKTA 3,750.00 -0.26%

RMDEN20 99.90

STB 1,499.61 -0.03%

STIL 95.00 -5.00%

TETE 2,350.00

TNB 28,001.00 0.11%

TTK 1,346.44 -1.65%

страна.мк

8:06 PM 3/28/2024 Времето во Скопје: 14°C

Во Дубаи ќе се гради хотел со облик на Месечината, проект вреден пет милијарди евра

страна.мк

08/02/2023

Во Дубаи ќе се гради хотел со облик на Месечината, проект вреден пет милијарди евра

ДУБАИ е познат по своите неверојатни градби, како што е луксузниот хотел Бурџ Ал Араб Џумеира во облик на едро, а сега би можел да се соочи со сериозна конкуренција. Имено, канадската компанија планира да изгради четири Moon Resorts, од кои првиот ќе биде изграден во Дубаи.

Огромната реплика на Месечината ќе биде висока 224 метри, а надворешноста ќе биде реална претстава на небесното тело со кратери и груба текстура, додека луксузната внатрешност ќе овозможи целосно искуство на живеење во „лунарна колонија“.

Животот на Месечината

Одморалиштето ќе се состои од 144 луксузни единици кои ќе бидат достапни за купување како дел од програмата за приватни резиденции. Секоја вила од 185 квадратни метри доаѓа со доживотно членство во Мун, чии членови ќе уживаат ексклузивни привилегии.

Луксузното одморалиште ќе има ноќен клуб, спа и велнес центар, салон за џез пијано и салон на повеќе нивоа базиран на вселенско летало, додека голем конгресен центар ќе биде дизајниран да привлече излагачи на технологија и истражување на вселената.

Амбициозен проект

Идејата, која се работеше дваесет години, беше дизајнирана со цел да се донесе вселенски туризам на земјата, а според проценката на компанијата, изградбата на овој уникатен ресорт ќе трае две години.

Проектот ќе чини околу пет милијарди долари, а откако ќе биде завршен, одморалиштето ќе може да прими до 10 милиони посетители годишно. Првото одморалиште на Месечината треба да биде завршено во 2027 година, по што ќе следи изградбата на истите одморалишта во Северна Америка, Европа, Северна Африка и Азија.