ВМРО-ДПМНЕ на исценираните инциденти на Левица гледа како „евтина провидна и договорена драма меѓу Апасиев и Левица со ДУИ и СДС“.

Дотолку повеќе што присутната коалиција СДС, Левица и ДУИ во градот Скопје од денес започна да функционира и во Собранието.

Навистина е чудно бурното реагирање на Левица за Деловникот, наспроти молчењето во Собранието за францускиот предлог или за скандалот на онкологија.

Всушност Апасиев кога не беше за филибастеринг и беше коалициски партнер на СДС и советник на СЈО заговараше минатиот претседател на Собрание Вељаноски да биде избркан на (цитираме) “шамари, клоци и тупаници”.

Евтиниот театар на Левица, ДУИ и СДС за тема која никако не е приоритет на граѓаните само го покажува лудилото на власта и нивните слуги до каде може да одат во ловот по евтини поени, реагираат од партијата по денешните инциденти во Собранието.