Основниот суд Куманово го осуди шеесетгодишниот државјанин на Р. Бугарија и на Р. Србија, Предраг Миленков за кривично дело измама на затворска казна од четири години и десет месеци. Тој во јануари годинава со други непознати лица ја измами 66 годишна кумановка за 30.000 евра.
„Превидената максимална казна е пет години затвор, судот му изрекува на обвинетиот четири години и 10 месеци. На оштетените, семејството Величковски, му се досудува износ од околу 30.000 евра“, рече судијата.
Бугарскиот државјанин измамата ја направи на 31 јануари. Тој не призна вина, туку рече дека и тој бил измамен од друго лице. Но, истрагата утврдила дека тој ги земал парите, а бил снимен и од надзорните камери на местото каде било примопредавањето.
