Премиерот Христијан Мицкоски денеска присуствуваше на почеток на реконструкцијата на скверот позади ТЦ „Капитол“, проект во вредност од 45 милиони денари, финансиран од Владата.
„Ова е еден од многуте проекти, којшто ја поминаа прва фаза, односно првиот дел од проектите, коишто Владата ги финансира во општините, од оној прв јавен повик. Убеден сум дека ова место, коешто денеска, за жал, изгледа вака како што изгледа, ќе изгледа многу поубаво за многу кратко време од денеска. Во оваа недела очекувам да го распишеме вториот повик, којшто ќе биде малку поголем во вредност од првиот. Ако првиот беше до шест милијарди денари, овој ќе биде до 15 милијарди денари. Ги повикувам општините да подготват апликации, ќе има малку поширок период за аплицирање кој ќе трае до 30 април. За разлика од првиот повик, во овој вториот малку се олеснети условите во смисла на аплицирање, односно сите оние општини коишто поседуваат проекти со обезбедени документи за објавување јавен повик, за тендерирање ќе може да аплицираат, па во меѓувреме да го решаваат и оној дел поврзан со дозволата за градба, посочи Мицкоски.
