Од сите земји на Југоисточна Европа, најмногу млади луѓе од Македонија, 42,67 отсто од нив, изразиле желба да ја напуштат земјата поради лошиот социјален, животен и економски стандард и услови, покажува истражување на „Фондацијата Фридрих Еберт“.
Според резултатите од „Студијата за млади луѓе од Југоисточна Европа 2024“, следното место на таа листа го зазема Босна и Херцеговина, каде би емигрирале 31,18 отсто од младите, а во Албанија тој процент е 36,9.
Што се однесува до другите земји од регионот, во Хрватска 21,62 отсто од младите изразиле потреба да ја напуштат земјата.
Слична е ситуацијата и во Косово, каде 27,83 отсто од младите се незадоволни од животниот стандард.
Во Србија и Словенија 25 отсто од младите изразиле желба да ја напуштат државата, а во Грција таа бројка е 31,26 отсто.
Во Бугарија и Романија, истражувањето покажа најмалку подготвеност на младите да ги напуштат своите земји.
Истражувањето е спроведено на примерок од 8.943 млади луѓе од Југоисточна Европа, на возраст од 14 до 29 години и покажа дека 23 отсто од нив подобрата плата ја гледаат како една од клучните причини за иселување од државата.
67 отсто од испитаниците истакнале дека економските фактори и можности играат важна улога во иселувањето на младите, додека за 62 отсто од нив корупцијата е најголемиот проблем со кој ќе се соочат нивните земји во следната деценија.
