Во Алејата на заслужните граѓани на Новите гробишта во Белград денеска беше погребан познатиот бизнисмен Миодраг Костиќ.
Освен деловниот, не остана незабележан ниту неговиот приватен живот, а многумина се сеќаваат на неговата романса со Наташа Беквалац.
Оваа врска го означи почетокот на нејзината кариера, а еден од првите големи хитови му го посвети на бизнисменот.
Станува збор за баладата „Поново“, а пејачката сега на социјалните мрежи објави црна фотографија која ја придружува оваа песна.
„Никогаш не сум зборувала за тие работи, но сега сакам да го направам тоа, конечно да се стави крај на се, новинарите да не измислуваат стории на таа тема и веќе да не ме прашуваат за тоа. Што се однесува до Миодраг, нашата врска започна пред четири години. Никогаш нема да кажам ништо лошо за човекот со кој споделив сѐ. Сакам да нагласам дека конечно е готово меѓу мене и него. Нашата врска никогаш не беше хармонична и не можев да го сокријам тоа. Слични сме, но имаме различни погледи на светот. Никогаш не сме имале такви скандалозни и грди работи за кои се пишувало“, изјави тогаш Наташа Беквалац.
Инаку, Наташа во една емисија имаше задача да ја избере својата најголема љубов меѓу поранешните партнери. Тогаш Миодраг се најде на првото место, дури и пред сите поранешни сопрузи.
Да потсетиме, Миодраг Костиќ Коле почина пред два дена на 65-годишна возраст, познат е како основач на една од најголемите регионални компании МК Груп. Со својата работа остави голема трага во домашната економија и општество.
Компанијата, која денес е меѓу најуспешните групи во земјоделството, туризмот, енергетиката и банкарството, е основана од Миодраг Костиќ во 1983 година, како економист, што го рангира меѓу пионерите на приватниот бизнис во Србија.
