Актерот и поранешен гувернер на Калифорнија, Арнолд Шварценегер денеска изјави дека на претседателските избори во САД на 5 ноември ќе гласа за демократката Камала Харис.
„Секогаш ќе бидам Американец прво, а второ републиканец. Затоа гласам за Камала Харис и Тим Валц оваа недела“, рече тој во објавата на социјалните мрежи.
Тој истакна дека, иако моментално не се согласува ниту со демократите, ниту со републиканците чиј член е, тој вели дека Харис е единствениот кандидат на кој му верува.
„Трамп ќе подели, ќе навредува, ќе најде нови начини да биде поантиамерикански од порано, а ние луѓето нема да добиеме ништо друго освен повеќе гнев“, напиша Шварценегер.
Шварценегер долго го критикуваше републиканецот Доналд Трамп, особено одбивањето на поранешниот претседател да го прифати поразот на изборите во 2020 година и забелешката на републиканецот дека „Америка е канта за ѓубре во светот“, мислејќи на мигрантите кои доаѓаат во САД.
I don’t really do endorsements. I’m not shy about sharing my views, but I hate politics and don’t trust most politicians.
I also understand that people want to hear from me because I am not just a celebrity, I am a former Republican Governor.
My time as Governor taught me to…
— Arnold (@Schwarzenegger) October 30, 2024Додека беше гувернер, Шварценегер беше силен поборник за инвестирање во проекти за забавување на климатските промени, создавајќи ја климатската иницијатива за Шварценегер и работејќи на усвојување на Законот за решенија за глобално затоплување, пишува Politico.
