Лука Дончиќ со години е критикуван за неговата физичка подготвеност. Коментарите дека е „вон форма“ или „прекумерна тежина“ станаа вообичаени за една од најголемите ѕвезди во НБА. Сепак, словенечкиот кошаркар одлучи да стави крај на ваквите приказни, и како што открива во големо интервју за списанието Men’s Health, неговата трансформација е вистинска и импресивна.
„Визуелно, би рекол дека целото мое тело изгледа подобро“, рече играчот на Лос Анџелес Лејкерс, кој покрај тренингот, целосно ја промени и својата исхрана. Тој сега следи диета без глутен, со малку шеќер и со малку јаглехидрати, консумирајќи најмалку 250 грама протеини дневно и пиејќи шејк од бадемово млеко.
Our digital cover star, Luka Doncic, ready to take his game (and the Lakers) to new levels of dominance. And this summer shred has been years in the making.https://t.co/aB19DY7rrL pic.twitter.com/bjVsf1ampI
— Men's Health Mag (@MensHealthMag) July 28, 2025Тој исто така практикува повремен пост од 20:30 до пладне следниот ден за да го забрза закрепнувањето на мускулите и согорувањето на мастите, а првиот оброк го јаде дури по првиот 90-минутен тренинг.
Оваа радикална промена на животниот стил започна уште во 2023 година, кога Дончиќ го состави „Тимот Дончиќ“, тим експерти составен од личниот тренер Анже Мачек, физиотерапевтот Хавиер Барио и нутриционистката Лусија Алмендрос. Таа сезона не успеа да се пласира во плејофот, но ова лето донесе пресврт.
