Настојувајќи да ја обнови партијата по убедливиот пораз на изборите од републиканецот Доналд Трамп во ноември, Демократскиот национален комитет (DNC) во саботата го избра Кен Марин, лидерот на партијата во Минесота, за нов претседател.
Мартин ќе има задача да ја врати на вистинскиот пат деморализираната Демократска партија, која не само што ја загуби контролата над Белата куќа во ноември минатата година, туку и не успеа да освои ниту еден дом на Конгресот. Оттогаш, партијата, без јасна стратегија, се мачи да одговори на баражот извршни наредби на Трамп, од кои многу ја поништија политиката на поранешниот претседател Џо Бајден.
Како долгорочен стратег на Демократската партија на Минесота, Мартин повика на обновување и зајакнување на партијата за поуспешна борба во битките низ целата земја. Тој во првиот круг на гласање го победи актуелниот демократски претседател Бен Виклер од Висконсин.
„Денешните избори означуваат ново поглавје во раководството на DNC, а Доналд Трамп и неговите сојузници милијардери добија порака: ќе ги сметаме одговорни за нивниот грабеж на работничките семејства и ќе ги победиме на гласачките места“, рече Мартин.
