Наместо обединување, дополнителен раздор. Во опозициската СДСМ врие по признанието на нивниот лидер Венко Филипче дека поседува златна виза за Емиратите – велат како може да се бори за СДСМ и Македонија, ако со мислите е во Дубаи? Целта му е д ја донесе партијата на власт, или само да го штити нелегално стекнатиот имот. Екс градоначалникот на Центар и поранешен висок функционер Саша Богдановиќ за Алфа вели дека многу случувањата во партијата, но и признанието за релациите Македонија- Дубаи не може да донесат ништо добро за СДСМ.
-Ако се пробува тоа да се ескивира во јавноста изгледа навистина незгодно. И на крајот само се потврдува еден факт, тоа е дека луѓето кои што моментално се во раководството на СДСМ мора да сфатат дека такви работи не треба да се случуваат, бидејќи влеваат недоверба. Тие некои случувања на релација Македонија- Дубаи гледаме дека не влеваат волја и кај членството и кај симпатизерите и гласачите дека нешто ќе се промени, изјави Богдановиќ.
Дека однесувањето на Филипче директно удираат по довербата на граѓаните, но и самото членство потврдува и поранешната претседателка на граѓанската организација на СДСМ Скопје, Софија Куновска. Според неа, партиското раководство треба да одговори на многу прашања од своите членови.
-Врееме е членството на партијата да ги постави вистинските прашања: Дали Венко го води СДСМ за да некогаш дојде на власт или партијата вака дизајнирана единствено служи за одбрана на нелегално стекнатиот имот во периодот 2017-2024? Со каков товар ќе влезат кандидатите на СДСМ на претстојните локални избори?, вели Куновска.
Како што е познато, Филипче прво демнатираше дека поседува ваква златна виза, но пред два дена призна, со објаснување дека не ја добил поради вложени пари, туку затоа што преговарал за работа со некоја болница. Не ја вратил, туку во моментов таа била на стенд бај. Ваквите лупинзи на Филипче, според Богдановиќ може да му создадат сериозен проблем на СДСМ на престојните локлани избори, пред се во однос на изборот на квалитетни кандидати за градоначалници.
-Тие треба да ги бранат овие напади, случувања како да ги наречам не само од сегашната власт, позиција, туку и од видни поранешни функционери, кои што општеството и во политичкото делување оставиле свој траг и белег, значи луѓе кои што ај да кажам им се слуша зборот, изјави Богдановиќ.
Според програмата на Обединетите Арапски Емирати златната виза за долгорочен престој главно добиваат странски државјани кои се подготвени да вложат минимум 280 илјади долари за виза од 5 години, или над 500 илјади долари за 10 годишна. Освен инвеститори виза миже да добијат и специјалисти, студенти и истражувачи, кои прават значители инвестиции во земјата. Но за таква виза, потребно е барање и препорака од Емиратското министерство, како и специјално писмо со препорака од Советот на научници или лично од Секретаријатот на Шеикот, со кое се потврдува дека личноста има добиено медал за Академска исклучителност.
