Тројцата поранешни градоначалници на Кочани, меѓу кои и градоначалникот во оставка Љупчо Папазов, како и неговите претходници Николчо Илијев и Ратко Димитровски од полициска станица во Кочани се спроведени во кочанскиот суд.
Тројцата градоначалници тееба да дадат исказ пред судија на претходна постапка , откако дадоа исказ во полиција во врска со пожарот во дискотектата „Пулс“ во која загинаа 59 млади лица. Обвинителството за сите тројца побара да им се изрече мерка притвор.
Градоначалникот на Кочани во оставка, Љупчо Папазов, како и неговите претходници Николчо Илијев и Ратко Димитровски влчера вечер беа приведени во врска со трагедијата во дискотеката Пулс.
Папазов пред три дена поднесе оставка на функцијата, а своето единствено јавно обраќање по пожарот го имаше преку социјалните мрежи…
-Во овие моменти, мора да покажеме доблест, да манифестираме целосна одговорност и да покажеме разлика во начинот на постапување. Со нашето однесување мора да дадеме пример дека се спротивставуваме на системот кој не функционира. Доколку постои било каков основ за одговорност кај мене, го повикувам Обвинителството да го испита тоа и да постапи согласно законите. – напиша Папазов во таа прилика…
Истражните органи влегоа во општина пред три дена и, како што соопштија, подигнале огромна документација во врска со дискотеката Пулс, која почнала со работа во 2012 година, кога градоначалник беше Ратко Димитровски.. Таа првата лиценца ја добила во 2021 година, во време на мандатот на Илијев, втората во 2023 во време на Папазов, а претходната 2024 година работела со фалсификувана лиценца…
Со тројцата, бројот на осомничени во врска со случајот со пожарот во дискотеката Пулс, се искачи на 31…
Николчо Илијев од редовите на СДСМ беше градоначалник од 2017 до 2021 година. Претходно прв човек на Кочани беше Ратко Димитровски од ВМРО-ДПМНЕ со два мандата (2009-2017). Љупчо Папазов од ВМРО- ДПМНЕ си поднес еоставка во понеделникот.
