Девојченцето чудо“ е првото дете во Велика Британија кое се родило од мајка благодарение на донирана матка, објави BBC.
Мајката на бебето, 36-годишната Грејс Дејвидсон, е родена без функционална матка и ја добила матката на нејзината сестра во 2023 година, во тогаш единствената успешна трансплантација на матка во Велика Британија.
Две години по таа пионерска операција, Грејс го роди своето прво дете во февруари. Таа и нејзиниот сопруг Ангус (37) ја нарекоа својата ќерка Ејми по сестрата на Грејс која ја донираше нејзината утроба.
Да се држи бебето Ејми, кое тежело нешто повеќе од два килограми, во рацете првпат било „неверојатно“ и „надреално“, вели новата мајка Грејс.
„Бевме преплавени со емоции затоа што никогаш не си дозволивме да замислиме како би било ако тој беше тука. Беше навестина прекрасно“, вели таа.
Грејс и Ангус, кои живеат во северен Лондон, но по потекло се од Шкотска, се надеваат дека ќе добијат второ дете благодарение на трансплантирана матка.
Двојката првично сакаше да остане анонимна, но откако бебето Ејми безбедно пристигна на светот, тие сега првпат зборуваат за BBC за нивното „мало чудо“.
Хируршкиот тим за ВВС изјави дека по трансплантацијата на Грејс, извршиле уште три трансплантации на матка користејќи починати донатори. Тие имаат за цел да спроведат вкупно 15 како дел од клиничкото испитување.
Грејс е родена со ретка состојба, синдром Mayer-Rokitansky-Küster-Hauser (MRKH), каде што матката недостасува или е недоволно развиена, но со функционални јајници.
