Гласачките места се отворени во сите американски сојузни држави, а последните избирачки места беа отворени на Хаваи во 18 часот. Се избира новиот 47. претседател на САД. Се гласа и за членовите на Конгресот, кои играат клучна улога во носењето закони.
Во исто време, Хаваи ќе биде последната држава која ќе ги затвори гласачките места утре во 6 часот, додека некои локации на Алјаска ќе останат отворени еден час подоцна.
Ова се 60-ти по ред претседателски избори во САД, граѓаните избираат меѓу демократската кандидатка Камала Харис и републиканскиот кандидат Доналд Трамп, а за резултатите веќе излегуваат различни прогнози. Победникот ќе служи во Белата куќа четири години, почнувајќи од 20 јануари 2025 година. Изборите за претседател се одржуваат заедно со изборите за сите места во Претставничкиот дом и 33 места во Сенатот.
