Автомобилот „Застава 101“, популарно познат како Стојадин или Кец, се произведувал во Крагуевац од 1971 до 2008 година, освен во поранешна Југославија, се возел и во соседните земји, но и низ светот.
Автомобилот „Застава 101“ е создаден врз основа на тогашниот технички многу модерен Fiat 128, со малку изменет заден дел и беше еден од првите автомобили произведени во хечбек варијантата што преовладува денес.
Пет врати тогаш беа реткост, а „Застава 101“ беше привлечна за купувачите поради неговиот дизајнерски пробив, и поради поволната цена, пишува БизнисКурир.
Овој модел брзо стана најпродавано возило на Застава на просторите на поранешна Југославија, а поради пристапната цена постигна значителен извозен успех, пред се во источноевропските земји, но и во светот.
Фејсбук страницата „Застава 101 форум“ објави клип од магазинот АВТО кој е објавен во далечната 1972 година, практично на самиот почеток на продажбата на овој модел, во кој се наведува дека тогашната цена била 40.040 динари или 2.084 долари.
Кога ќе се земе предвид инфлацијата за претходните 50 години, доаѓаме до бројката дека денес Zastava 101 би чинел точно 16.179 долари или 14.953 евра.
