Македонија се наоѓа точно на средина меѓу 43 земји во Европа според државниот долг како процент во бруто општествениот производ, заземајжи го 22. место на стариот континент.
Според Меѓународниот монетарен фонд, македонскиот државен долг годинава е 52,9 проценти од БДП, колкав што е тој на Исланд.
Од земјите во опкружувањето позадолжени од Македонија се неславниот европски лидер Грција со државен долг од 142,2 проценти од БДП, потоа Словенија со 68 отсто, Црна Гора со 60,3 отсто, Хрватска со 55,9 отсто и Албанија со 54,3 отсто.
Помалку задолжени од Македонија се Србија со 44,4 проценти, Босна и Херцеговина со 33,8 отсто, Бугарија со 28 отсто, Турција со 26,7 отсто.
Втора, веднаш зад Грција, според задолженоста е Италија со државен долг од 137,3 проценти од БДП, трета Франција со 116,3 отсто, а најмалку задолжена европска држава е Русија со 21,4 отсто.
