Масовни протести во Белград (ВИДЕО)

Илјадници луѓе излегоа на протест во Белград. На студентите им се приклучија и здравствени работници, земјоделци, актери, граѓани.

Бараат одговорност за трагедијата во Нови Сад и гонење на насилниците кои со недели провоцираат на мирните блокади.

Во моментов блокирани се сите централни улици.

U 16 časova na Trgu Slavija okupili su se studenti, poljoprivrednici i građani na protestu, čiji je cilj, kako su najavili da skrenu pažnju na svoje zahteve.

Na snimcima iz drona se vidi da su građani upalili bliceve na svojim telefonima, a u daljini se mogao videti i vatromet.… pic.twitter.com/qUk781txu4

— TV N1 Beograd (@n1srbija) December 22, 2024

По петнаесетминутниот молк од 16:30 до 16:45 часот, со кој ќе им се оддаде почит на жртвите на Железничката станица во Нови Сад, од 16:45 до 18:00 часот ќе бидат изведени студентски претстави.

Секој ден во Србија студенти, ученици и граѓани застануваат по 15 минути на градските сообраќајници, со цел да им оддадат почит на жртвите од падот на бетонската настрешница на Железничката станица во Нови Сад.

Блокирани се над 50 факултети на четири државни универзитети, неколку ректорати и десетици средни училишта.

За потсетување, 15 лица загинаа, а двајца беа тешко повредени во уривањето на настрешницата на Железничката станица во Нови Сад на 1 ноември.

Во текот на предистражната постапка, Вишото јавно обвинителство сослуша повеќе од 100 лица и нареди полицијата да поднесе кривична пријава против 13 осомничени.

По рочиштето, судот одреди притвор за 11 осомничени и куќен притвор за две лица, а на поранешниот министер за градежништво Горан Весиќ неколку дена подоцна му беше укинат притворот.