МВР за речиси 3.200 проценти го зголеми надоместокот на образец за постојан престој на странец за кого е задолжително пополнување на ваков документ поради престој во државата.
До крајот на март, услугата на МВР чинела 190 денари, а со одлука на министерот Панче Тошковски, цената е зголемена на 6.150 денари односно на 100 евра иако претходно чинела нешто повеќе од три евра.
Со истата одлука, крената е и цената на образец за пријавување на привремен престој односно наместо како досега 190 денари ќе се наплаќа 4.000 денари.
Од МВР велат дека зголемувањето на надоместотокот е поради зголемениот број на барања за обработка, за издавање на дозволи за престој во Република Македонија на лица странци по сите основи како и поради зголемена потрошувачка на ресурси.
Во одговорот, од МВР посочуваат дека „стратешка определба на Министерството е преку унапредување на процесите и дигитализацијата да креира побрзи и подостапни услуги за своите граѓани.
Привремен престој е дозвола за престој која му се издава на странец кој има намера да престојува во државата подолго од 90 дена, врз основа на следните основи: работа (вработување, сезонско вработување и упатување на работник), школување или студирање, учество во програми на меѓународна размена на ученици или студенти, специјализација, стручно усовршување или практично оспособување, волонтирање, научно-истражувачка дејност, лекување, сместување или згрижување во установи за стари лица, семејно обединување или хуманитарни причини, како и на странец кој е член на потесното семејство на државјанин на Македонија, странец кој по потекло е од Македонија, дете на странец родено во кој поседува недвижен имот во С.Македонија, во износ од најмалку 40.000 евра, како и на странец – жртва на трговија со луѓе.
