Денес имаме одговорност да водиме, мораме да ја создадеме таа шанса, држава — отворена, фер, со ред и систем. Еве го нашиот предизвик: да не дозволиме Македонија да остане заглавена во стари приказни. Да создадеме нова приказна — ваша приказна. Приказна на успех, знаење, правда и слобода, изјави премиерот Христијан Мицкоски.
Младите на Македонија — вие сте тие што можат да ја променат оваа земја. Вие сте тие што ќе ја направат подобра. Не постои сила што може да ве запре кога верувате во себе и кога дејствувате заедно. Македонија мора да успее. И ќе успее, истакна Мицкоски.
-Надежта сте и вие младите и ова е наша заедничка задача. Македонија ја исправаме и даваме резултати, и нив можете да ги видите на патиштата кои ги градиме, во болниците кои ги реконструираме, во школите и градинките кои ги отвораме, во фабриките и инвестициите кои ги носиме.
Затоа што се што правам во оваа без малку една година е да не биде како до сега. И затоа што тие кои сега се нудат како опција, длабоко во себе знаете дека не се опција, туку враќање назад, додаде тој.
„И кога истите тие ќе речат што направивте, државата не е на правиот пат, патот по кој Македонија ја водевте беше пат на инфлација, стагнација и грабеж. Затоа што денес стигнавме и направивме многу повеќе од многу години кои тие ги потрошија.
Од минусно салдо на раст на бдп и последни во Европа до денешен растот на БДП од 3.2осто и 4та економија во Европа.
Од последни во Европа по странски инвестиции, до први во Европа со 1 милијарда и двесте педесет и пет милиони евра што е најдобар резултат од независноста до денес“, потенцира Мицкоски.
-Од двоцифрена инфлација до ниска 2.7% за месец март. Порано растеа само платите на функционерите, а денес растат платите на работниците од 9 до 10 проценти на годишно ниво. Од индустриското производство кое беше минус 2, до раст на индустриско производство за март од 5.2. Од автопат Кичево Охрид кој стагнираше, и беше најважно подизведувачите да се од Кичевски Зајас или струмичко до автопат кој се гради и кој за една година ќе биде готов.. Затоа што нема повеќе тендери во 4 очи и денес има одговорност, истакна во своето обраќање Мицкоски.
-Од руинирани и запустени студентски домови, до студентски домови кои се градат и осовременуваат. Од срамни и штетни договори до стратешко партнерство со Обединетото Кралство. Од одземена и обезличена Македонија до Македонија која е повторно ваша, и кажува што сака и за што се бори, рече во обраќањето денес во Велес премиерот Мицкоски.
-Помина времето кога криминалците и клановите беа главни, кога артановци и заевци од државата имаа свој пашалак. Македонија се исправа, и победува. Македонија припаѓа повторно на народот. Ова е ново време, рече во своето обраќање премиерот Христијан Мицкоски на 34 Конференција на Унијата на млади сили на ВМРО-ДПМНЕ.
