Легендарниот боксер Мајк Тајсон (58) денеска влезе во рингот и тренираше пред публиката пред егзибицискиот меч против инфлуенсер-боксерот Џејк Пол (27). Тајсон во таа прилика изгледаше добро, брзо и силно, како што забележа коментаторот.
“Се наежив. Вака не се движи нормален 58-годишник. Неверојатно”, рече коментаторот кога видел како Мајк удира. Да потсетиме, Тајсон важи за еден од најдобрите тешкаши и најразорните ударачи во историјата на боксот кој своите први 19 борби ги доби со нокаут, од кои 12 во првата рунда.
‼️ Mike Tyson smashing the pads in his scary public workout ahead of the Jake Paul fight on Friday night: "No normal 58-year-old moves like that. He looks incredible."
[🎥 @MostVPromotions] pic.twitter.com/apkMjwxBqv
— Michael Benson (@MichaelBensonn) November 13, 2024Со само 20 години стана најмладиот шампион во тешка категорија во историјата, а тој рекорд го држи и денес. Врвот на неговата кариера беше од 1987 до 1990 година, кога ја имаше титулата светски шампион. Тепачката меѓу Тајсон и Пол е планирана за ноќта од петок кон сабота по европско време, а мечот би можел да започне околу четири часот наутро.
