Инспекторатот за употреба на јазиците ќе биде под надлежност на Министерството за правда, за да може вработените кои не зеле пет месеци плата да им биде исплатена, соопшти на Фејсбук премиерот Христијан Мицкоски.
Тој денеска во Владата, заедно со првиот заменик претседател на Владата и министер за животна средина и просторно планирање, Иџет Меџити се сретнале со директорот на Инспекторатот за употреба на јазиците, Арсим Идризи и дел од вработените, со цел Владата да изнајде решение за исплата на заостанатите плати на вработените во Инспекторат кои веќе 5 месеци не земале плата.
И по усогласувањето на законот за Инспекторат за употреба на јазици со Законот за организација и работа на органите на државната управа што веќе еден месец се наоѓа во собраниска процедура ќе им се овозможи на вработените да земаат плата. Бидејќи ова е прашање поврзано со Бадентер, очекуваме сите политички партии во Собранието да постапат рационално и конструктивно, без блокади и без обиди за политичка злоупотреба на ова прашање, кое директно ја засега егзистенцијата на семејствата на вработените во Инспекторатот, објави Мицкоски.
Понатаму ќе се состави работна група и ќе се направи конечна реорганизација на инспекторат со неговите надлежности.
