Обвинителството веднаш да се фати за работа, да ги разгледа пријавите и сите сомнежи за сторениот криминал во Фондот за иновации и технолошки развој. Сите кои се вмешани во овој скандал треба да сносат одговорност и така да се потврди заложбата за борба против корупцијата. Експертите очекуваат од надлежните органи да се занимаваат со случајот во кој се оштетил буџетот за проекти кои воопшто не се иновација.
Фирми блиски до поранешниот премиер Зоран Заев и лидерот на ДУИ Али Ахмети земале пари за „измислување топла вода“. Преку фантомски проекти злоупотребиле 3,2 милиони евра.
Горан Трпеноски од поранешниот состав на Антикорупциска, за Алфа ТВ вели дека Комисијата има поднесено неколку иницијативи за утврдување одговорност.
-ДКСК има поднесено неколку предмети до Обвинителство и до Влада, за одговорност и треба Обв да ги разгледа сериозно нашите пријави. Има сомнежи за сериозен криминал. Има предмети, од авион дека не треба да добијат пари од ФИТР. Мора Обв да го расчисти целиот случај. Не само тоа, ДКСК има повеќе кривични иницијативи, за повеќе функционери. Иако, кратко време се на власт оваа гарнитура, но има доволно материјал, да постапуваат, вели Горан Трпеноски од поранешниот состав на ДКСК.
Откако новото раководство на Фондот обвини дека 60 компании од градежништовото, информатиката, дигитализацијата како и уште 50 приватни здравствени установи го оштетиле буџетот преку проекти без да исполнат критериуми и незаконски си носеле правилници, се очекува МВР, Обвинителството и финансиската полиција да ја добијат целата документација.
Претходната комисија, единствено од сите институции беше пофалена во Извештајот на ЕК. Ми се допаѓа како мирно новата власт го практкува владеењето на правото. Мислам дека тоа е за поздрав, треба да продолжат со ова темпо и чекор, да му дадат време на Обвинителството, да постапат по сите пријави. И не само по пријавите од ДКСК, имаше пријави и од други институции. Обвинителството е на потег, треба да докажат дека се независни. Според сите извештаи, рак рана е правосудството. Сега е време да покажат, дека не се продолжена рака на политиката, додава Трпеноски.
Дел од фирмите кои злоупотребувале пари се поврзани со поранешниот премиер Зоран Заев. Се работи за комплании кои немале спроведено проектни активности, а немале ниту поднесено завршна сметка во Централен регистар. И иновативниот ум – внукот на Али Ахмети преку негови фирми си добил државни пари. Преку едната фирма префрлал и пари во Косово, а другата затајувала извештаи и воопшто немала проекти. Некоректно трошење средства, неподнесување извештаи, неисполнување на обврските, несоодветно менаџирање – ова се причините поради кои ќе се ревидира начинот на работа и на други фирми, чии предмети се во фаза на извршување.
