Виетнам официјално е примен како „земја партнер“ во БРИКС, како дел од напорите за проширување на растечката група економии во развој, соопшти владата на Бразил.
- Како привремен претседавач со БРИКС, бразилската Влада го објавува формалниот прием на Виетнам како партнерска земја. Бразил ја поздравува одлуката на виетнамската Влада, се наведува во соопштението.
Бразил оваа година го предводи БРИКС и ќе претседава со самитот што треба да се одржи на 6 и 7 јули.
Виетнам е десеттата нација која го добива овој статус, што им овозможува на земјите партнери да учествуваат на самитите и на други сесии и настани на БРИКС.
БРИКС е меѓувладина асоцијација основана во 2006 година. На првичните членки Русија, Бразил, Индија и Кина, во 2013 година им се приклучи Јужноафриканска Република, а потоа и Египет, Етиопија, Иран, Обединетите Арапски Емирати и Саудиска Арабија.
Во земјите од БРИКС живее речиси половина од светското население, групата има 37,3 проценти учество во глобалниот БДП и 43,1 отсто удел во светското производство на нафта
