Старите остануваат осамени, а младите немаат поддршка. Ова е нешто што често се слуша на многу места во Германија. Меѓутоа, во една мала заедница во Северна Фризија, неочекуваното наследство им носи радост на најмладите и најстарите жители.
Во 2021 година, господинот Хајнрих Фрих од Карлум во тестамент на општината од 220 жители и оставил богатство вредно 1,2 милиони евра, составено од четири стана и инвестиции во компании. Неговата желба била парите да бидат наменети за хуманитарни цели, особено за добробит на децата и постарите лица.
За исполнување на неговите желби, општината формираше фондација која секоја година добива околу 30.000 евра од наследството.
Еден од најважните моменти на оваа иницијатива беше еднократна исплата од 300 евра за секое дете под 18 години во 2024 година. Оваа награда ја добија вкупно 34 деца и млади.
Градоначалникот Вернер Ричардсен изрази оптимизам за можното повторно спроведување на оваа кампања во наредните години.
Овде се прифаќаат желбите на жителите, се разговара, а потоа се одлучува. Единствениот услов: предложените идеи мора да бидат корисни за заедницата и да бидат од корист за децата или постарите лица.
Финансиска помош веќе добија болници и центри за нега во Нибул, како и организација која обезбедува поддршка и советување на стари и болни луѓе. Фондацијата поддржува и автобус управуван од волонтери кој превезува деца и постари лица по потреба.
Идните проекти вклучуваат: појадок за стари лица, летни излети, покриени клупи и подобрување на пат од 1,2 километри, пишува Билд.
