Лука Јовиќ (27) го напушти Милан откако му истече договорот и по долго размислување реши каде ќе ја продолжи кариерата.
Србинот водеше интензивни разговори со актуелниот шампион на Северна Америка, мексиканскиот Круз Азул. Откако ги одби мексиканците, доби повик од својот поранешен тренер Вељко Пауновиќ да му се приклучи во Овиедо.
И кога се чинеше дека Јовиќ ќе го предводи нападот на повратникот во Примера, се случи пресврт. Ја прифати понудата од Атина, да го облече дресот на АЕК, на чија клупа седи неговиот сонародник Марко Николиќ.
Инсајдерот Фабрицио Романо, објави дека Јовиќ ќе потпише договор до крајот на сезоната 2026/27. Српскиот напаѓач најави одлична кариера во Ајнтрахт.
Јовиќ играше во клубот од Франкфурт од 2017 до 2019 година. Во сезоната 2018/2019 имаше 27 гола и седум асистенции во 48 натпревари, што му донесе трансфер во Реал Мадрид за 63 милиони евра.
Тој беше во Мадрид 18 месеци, по што се врати во Ајнтрахт на позајмица.
По враќањето во Реал, неговиот статус не се семни, па замина од клубот за кого постигна само три гола во 51 натпревар. Како слободен агент во 2022 година, тој замина во Фиорентина и постигна 13 гола во 50 натпревари за нив.
Тој ја напушти Фиренца подоцна во сезоната и потпиша со Милан, имаше неколку добри натпревари но не ги убеди клупските челници да му понудат нов договор.
