Водечките компании во крипто индустријата, Circle Internet Group Inc. и Binance, објавија ново стратешко партнерство на Финансиската недела во Абу Даби. Оваа соработка има за цел да го забрза глобалното усвојување на USDC (стабилна криптовалута на американскиот долар) и да го поддржи развојот на дигиталните средства и поширокиот финансиски екосистем. Со растот и глобалното прифаќање на USDC како еден од најсилните финансиски инструменти на интернетот, партнерството ги обединува доверливата и усогласена дигитална валута со најголемата платформа за користење на дигитални средства.
Преку ова партнерство, Binance ќе овозможи USDC да биде широко достапен преку целокупниот асортиман на нивни производи и услуги, што ќе им овозможи на повеќе од 240 милиони корисници ширум светот беспрекорно да го користат USDC за тргување, штедење и плаќања.
Дополнително, Binance ќе го прифати USDC како клучна стабилна валута за нивната корпоративна трезорска операција, што претставува моќен сигнал за премин на финансискиот свет на блокчејн технологии.
Исто така, Circle ќе обезбеди технологија, ликвидност и други алатки за корисниците на Binance, кои ќе можат да ја искористат доверливоста и иновацијата што Circle ја има изградено за USDC. Circle, заедно со Binance ќе работат и на градење на стратешки партнерства во глобалниот финансиски и комерцијален сектор, бидејќи се повеќе компании се стремат да ги користат крипто инфраструктурата и стабилните валути за различни деловни примени.
„Binance е неверојатно иновативна компанија со силен фокус на квалитет на производите, иновации и корисничко искуство, што е потврдено и од нивната масивна глобална заедница од над 240 милиони корисници,“ изјави Џереми Алер, претседател и извршен директор на Circle. „Со Binance како водечка финансиска супер-апликација, ова претставува извонредна можност за USDC да стане уште пошироко достапен на нивната платформа. Се радувам за соработката со лидерскиот тим на Binance кој ја гради најголемата компанија за дигитални средства во светот.”
„Circle е без сомнение една од најдоверливите и најиновативните компании во екосистемот на дигитални средства, а USDC е еден од најпрестижните производи во светот,“ изјави Ричард Тенг, извршен директор на Binance. „Преку нашето стратешко партнерство, нашите корисници ќе имаат уште повеќе можности за користење на USDC на нашата платформа, вклучувајќи нови трговски парови, специјални промоции и други производи на Binance. Заедно со Circle, ќе работиме на глобална иновација и зголемена употреба на стабилните валути. Веруваме дека соработката ќе ги прошири можностите за интернетскиот финансиски систем.”
