Годишната инфлација во еврозоната порасна на 2,4% во декември, од 2,2% во ноември. Во декември минатата година годишната стапка на инфлација во еврозоната изнесуваше 2,9 отсто.
Во Европската унија инфлацијата во декември била 2,7 отсто во однос на декември минатата година, додека пред 12 месеци годишната инфлација била 3,4 отсто, објави Евростат, статистичката агенција на Европската унија.
Најниска годишна стапка на инфлација забележаа Ирска (еден отсто), Италија 1,4 отсто и Луксембург, Финска и Шведска 1,6 отсто.
На другата страна беше Романија со пораст на цените од 5,5%, Унгарија со инфлација од 4,8% и Хрватска со 4,5%.
Во споредба со ноември, цените пораснале во 19 земји, во една останале стабилни, а во седум опаднале.
Најголем придонес во растот на цените во декември имаа услугите, а потоа храната, алкохолот и тутунот. Значително помал придонес имаат цените на индустриските производи, а придонесот на енергијата изнесува само 0,01 процентен поен.
Базичната инфлација, без цените на енергијата, храната, алкохолот и тутунот во еврозоната, изнесуваше 2,7%.
Најниско ниво на годишна инфлација во еврозоната е забележано во септември – 1,7%, а во следните четири месеци индексот на потрошувачките цени бележи раст.
