Претседателот на Владата на Република Македонија, Христијан Мицкоски денес заедно со министерот за локална самоуправа Златко Перински присуствуваа во Клуб на пратеници на работен појадок на кој разговараа за серија теренски посети на општините низ државата наречени „Каде срцето е дома“ со цел да се мапираат сите предизвици во нив и да се сублимираат насоки за нивно надминување.
Воедно, посетите ќе се искористат и за увид на реализација на инфраструктурните проекти финансирани со средства од централниот буџет, како и за размена на искуства и идеи за потребите на отворениот процес за измени на Законот за локална самоуправа.
-За мене задоволство е што сум денеска ете заедно и со Златко и со Ивица овде во овој реновиран објект, мислам дека треба така да продолжиме да се грижиме за имотот на државата бидејќи тој е заеднички имот на граѓаните. Има неколку работи коишто во периодот што следи јавноста ќе ги дознава, дел од имотот вклучително и оној каде што треба државниот врв да го користи и престојува не е впишан во имотен лист замислете, државата тоа го нема запишано ниту во имотен лист не е ни нејзина сопственост иако дефакто е така, но де јуре не е така и некако се поврзува практично ова почнување со работа на овој реновиран објект познат како Клуб на пратеници со кампањата којашто ќе ја правиме заедно со Златко во единиците на локална самоуправа каде што ќе почнуваме проекти коишто се дел од програмата на Влада за инвестиции во општините, вели во изјава за медиумите Мицкоски.
Периодот којшто следи ќе биде динамичен, интересен, полн со многу проекти нешто коешто го бараат граѓаните, нешто коешто на нив ќе им е потребно така што ве повикувам да не следите, мислам дека добро е да овој процес поминува транспарентно и добро е да одблиску граѓаните го дознаваат она што ќе го работиме како Влада преку соодветните министерства, нормално целиот овој процес го координира Министерството за локална самоуправа“, изјави Мицкоски.
