Жестоки реакции кај српската и македонската јавност предивика претседателот на Србија, Александар Вучиќ со појавувањето со камери во болницата каде што се сместени пациентите од пожарот во Кочани. Тие се со изгореници и беа испратени во Белград за да добијата подобар третман и лекување.
„Извинете браќа Македонци. Сега знаете против што се бориме овде. Прифатете го моето искрено сочувство и се надевам дека овој немил инцидент нема да предизвика никакви компликации за повредените деца кои се на лекување овде во Србија“, вели еден Србин во една од бројните реакции на социјалните мрежи.
Ги пративме да ги лечат, а не со нив да се прави ПР, велат дел од Македонците кои исто така реагираат на фотографиите од Вучиќ во болницата.
„Срам да ти е Вучиќ! Немаш тронка достоинство! Од каде имаш право да сликаш луѓе, болни во завои, заради самопромоција! Срам за тебе и за целата твоја придружба!“
„Повредените ги пративме да ги лекувате, а не да правите ПР“, „И ова го искористи за да се промовираш?!“, се некои од коментарите.
Никаде каде што има пациенти испратени по пожарот во Кочани не видовме политичари освен во Србија. Секаде има само соопштенија или лекари од болнците даваат изјави за медумите, но надвор од болнците, се потенцира во една од реакциите.
Вучиќ на своите лични профили на социјалните мрежи објави фотографии од тоа како ги посетил пациентите повредени во пожарот во дискотека во Кочани, кои се испратени на лекување во Белград.
„За нас трагедијата во Кочани е како да се случила некаде во нашата земја. Верувам дека ќе можеме да им помогнеме на овие луѓе кои дојдоа со ужасно тешки повреди. На располагање им стоиме на нашите браќа и пријатели Македонци и подготвени сме да примиме повеќе пациенти бидејќи имаме болници од прва класа“, напиша Вучиќ на Инстаграм, додавајќи: „На македонскиот народ нема да му биде лесно, а ние секогаш ќе бидеме со него, како што тие беа со нас“.
Србија остро го осудува популизмот на Вуќиќ кој со десетици фоторепортери, новинари и сниматели се сликаше во болничката соба со повредените Македонци, чин кој гледан од кој било апект е медицински камиказе потег со кој се загрозува животот и здравјето ан повредените.
Во Македонија, граѓаните потегот на Вучиќ го споредуваат со приказната за Итар Пејо и опинците кои му ги дал богатиот селанец за да игра на орото и постојано се фалел дека тој игра така убаво со неговите опинци. Крајот на прикаската го знаете. Макеоднија е преблагодарна на Србија и српскиот братски народ, пишуваат граѓаните, од срце и душа, но не мора да се користи на ваков начин секој чин на хуманост, давајќи доза на дегутантност во целата филантропија и заматувајќи го искреното братство со српскиот народ.
