Кошаркарите на Чикаго Булс го совлада Лос Анџелес Лејкерс со 119:117 со чудесен пресврт во последните секунди од натпреварот и тројката на Џош Гиди од повеќе од половина терен.
НБА го опиша исходот од натпреварот како „веројатно најлудиот во сезоната“. Гиди одигра одличен натпревар против Лејкерс и заврши со трипл-дабл. Постигна 25 поени, имаше 14 скока и 11 асистенции, но најспектакуларното го остави за самиот крај.
На неполни 13 секунди до крајот Лејкерси имаа пет поени предност (115:110). Во преостанатото време Булс постигнаа девет поени, Патрик Вилијамс и Коби Вајт постигнаа тројки, а потоа и Гиди погоди од својата половина со звукот на сирената. Заедно со Гиди, за деветтата победа на Булс во последните 11 натпревари, најзаслужни беа Вајт со 26 поени и девет асистенции и Кевин Хуертер со 21 поен, шест скока и пет асистенции. Кошаркарите на Чикаго во последниот период надополнија минус 18 поени.
Лејкерси, кои го победија претходниот натпревар со поени на Леброн Џејмс со звукот на сирената, беа поразени по осми пат во последните 12 натпревари.
Со 30 постигнати поени нивен најдобар стрелец на овој натпревар беше Остин Ривс. Лука Дончиќ додаде 25 поени, заедно со 10 скока и осум асистенции, а Џејмс 17 поени, заедно со пет украдени топки и 12 асистенции.
Lebron didn’t guard his man
Turned the ball over
Bulls take the lead
Game has left you Akron pic.twitter.com/FRR1UYrGwg
— 🎩 (@HardenUTD) March 28, 2025🚨JOSH GIDDEY HALF-COURT GAME WINNER🚨
WHAT AN ENDING.
pic.twitter.com/Nbmqjo4i7a
— Hoop Central (@TheHoopCentral) March 28, 2025
