Пробната ракета наменета да лансира сателит од Европа се урна и експлодираше 40 секунди по полетувањето од норвешкото космодром во неделата, а германскиот стартап „Isar Aerospace“ лансирањето го опиша како „иницјална проба“.
Ракета без екипаж „Spectrum“ беше претставена како прв обид за орбитален лет од Европа, каде што неколку земји, вклучително и Шведска и Велика Британија, изјавија дека сакаат дел од растечкиот пазар за комерцијални мисии во вселената.
Стартапот „Isar Aerospace“, кој предупреди дека првичниот лет би можел да заврши прерано, рече дека тестирањето дало многу податоци од кои нивниот тим може многу да научи.
Ракетата „Spectrum“, дизајнирана за мали и средни сателити, беше лансирана од норвешкиот космодром Арктик Андоеја. На нејзиното прво патување не носеше сателит.
Глобалните играчи на пазарот за лансирање сателити ги вклучуваат „SpaceX“ на Илон Маск, кој лансира од САД, и француската „ArianeGroup“, заедничко вложување меѓу „Airbus“ и „Safran“ која го користи космодромот во Француска Гвајана.
„SpaceX“, исто така, управува со сателитската услуга „Starlink“, комуникациска мрежа која покрива поголем дел од светот.
Германското здружение за воздухопловна индустрија BDLI соопшти дека првиот лет на „Isar Aerospace“ ќе доведе до понатамошен напредок.
„На Европа итно ѝ е потребен сверенитет во вселената“, изјави директорката на BDLI, Мари-Кристинe фон Хан.
Шведска, со нејзината локација за лансирање „Esrange Space Cente“ кај северниот град Кируна, и Велика Британија со космодромот на „SaxaVord“ на шкотските Шетландски острови, се најблиските ривали на норвешката локација, а сите имаат цел да ѝ дадат на Европа поголема автономија во вселенските летови.
„SaxaVord“, кој доживеа неуспех кога ракетниот мотор експлодираше за време на тестирањето минатата година, го планира своето прво лансирање на сателит во третиот квартал на 2025 година, а „Esrange“ исто така има цел да го изврши своето инаугуративно лансирање оваа година.
