Интервју на Доналд Трамп со Опра Винфри во 1988 година се споделува на социјалните мрежи во кое, како подоцна се покажа, го најавува тоа што го прави сега.
Имено тој зборува за нефер трговските практики, но и за можноста некогаш да се кандидира и да стане претседател.
Трамп тогаш велеше: „Сојузниците мора да го платат својот фер удел. Ние сме нација на должници. Нешто ќе се случи со оваа земја во наредните години затоа што не можеме да продолжиме да губиме двесте милијарди долари секоја година додека и дозволуваме на Јапонија да влезе и да ги фрли сите нивни производи на нашиот пазар.
Тоа не е слободна трговија (…) „Ако одите во Јапонија и се обидете да продадете нешто, заборавете на тоа. Тоа е речиси невозможно. Тие немаат закони против тоа, но едноставно го прават тоа невозможно“.
Трамп се осврна и на Кувајт, обвинувајќи ја таа земја дека ја користи американската поддршка без соодветна компензација: „Кувајт, тие живеат како кралеви. Најсиромашниот човек во Кувајт живее како крал, а сепак тие не плаќаат. Ние им овозможуваме да ја продаваат својата нафта. Зошто не ни плаќаат дваесет и пет проценти од она што го заработуваат? Ова е шега“.
Запрашан од Опра Винфри дали некогаш ќе се кандидира за претседател, Трамп рече дека веројатно нема да се кандидира, но изрази фрустрација од начинот на кој САД се третирани во меѓународната трговија. Тој изјави дека е уморен да гледа како се искористува државата и дека е задоволен од она што моментално го работи.
Сепак, тој додаде дека ако некогаш влезе во трка за претседател, верува дека ќе победи затоа што никогаш не влегува во трка во која би загубил.
Donald Trump on the Oprah Winfrey show in 1988. He was right about everything. pic.twitter.com/Jm3I58ILzU
— End Wokeness (@EndWokeness) August 22, 2024
