Парадата на гордоста во 2025 година ќе се одржи во Скопје на 21. јуни со паролото „Ќе (оп)стоиме заедно“.
Парадата ќе се одржи без концерт, туку ќе има протестен марш. Организаторите од Националната мрежа против хомофобија и трансфобија велат дека ваквиот потег доаѓа поради тоа што „образовниот систем го брише секое споменување на нивните идентитети“.
„Зголеменото насилство, омразата и исмевањето во училиштата не се случајни, тие се последица на институционален срам и молк. Наместо заштита, образовните политики нудат невидливост. Наместо грижа – негирање. И токму затоа ќе застанеме пред Министерството за образование, гласни и непокорни, затоа што младите заслужуваат“, вели активистот Стефан Петровски, пренесува САКАМДАКАЖАМ.
Маршот тргнува од паркот Жена-борец во 18 часот, а потоа после собирањето на учесниците и кратки говори, во 19 часот ќе почне протестот по скопските улици.
