Овошјето важи за симбол на здравјето – полно витамини, минерали и природни шеќери. Но, кога сте бремени, не е секое овошје безбедно. Иако звучи изненадувачки, некои овошја може да предизвикаат несакани реакции, па дури и сериозни компликации.
Еве кои три вида овошје најчесто се наведуваат како ризични за трудници – и зошто е важно да внимавате со нив.
Папаја – не секогаш пријател на трудниците
Папајата може да биде здрав избор, но само ако е целосно зрела. Незрелата или полузрелата папаја содржи латекс, супстанца која може да предизвика контракции на матката, што во првите месеци од бременоста може да биде опасно.
Ако не сте сигурни колку е зрела папајата – подобро избегнете ја.
Ананас – вкусен, но со скриени ризици
Ананасот содржи бромелаин, ензим што може да доведе до омекнување на грлото на матката и потенцијално предвремено породување. Особено во првиот триместар, се препорачува внимание со количината. Дополнително, ананасот може да предизвика дијареја, што може да го дехидрира телото.
Ако баш ви се јаде – малку и ретко.
Грозје – да или не? Зависи кога
Грозјето е полно со антиоксиданси, но во третото тримесечје, не е најдобар избор. Може да предизвика зголемена топлина во телото и дигестивни проблеми. Прекумерната консумација, особено секојдневна, може да предизвика непријатности.
Една рака грозје повремено – да. Цело чинија секој ден – не.
Што е безбедно и препорачано?
Среќна вест е дека има многу овошја што се сосема безбедни и дури препорачани за трудници:
Лубеница – одлична за хидратација и освежување
Банани – даваат енергија, добри се за дигестија и анемија
Портокали – полни со витамин Ц, за јакнење на имунитетот
Авокадо – богат извор на здрави масти и фолати
Јаболка – идеални за стомакот, полни со растителни влакна и калиум
Дури и здравите овошја, кога се јадат во преголеми количини, може да предизвикаат проблеми. Комбинирајте мали порции овошје со редовните оброци и слушајте го своето тело.
Секоја бременост е различна – затоа најдобро е да се консултирате со вашиот лекар или нутриционист за сè што јадете.
