По 14 години работа во Босна и Херцеговина, телевизијата Ал Џезира Балканс престана со работа, а 200 вработени, како што беше наведено, останаа на улица и без работа, пишува сараевски Аваз.
Според нови информации од „Аваз“, пред еден месец, медиумската мрежа Ал Џезира од Доха одлучи да испрати ревизорска инспекција во Сараево за да ја утврди фактичката состојба, бидејќи долго време се шпекулираше за неправилности во работата.
Со преглед на договорот, внатрешните ревизори утврдија многу неправилности во работата и кога не можеа да најдат решение за насобраните проблеми, во разговор со одговорните во Сараево – Тарик Ѓоѓиќ, генерален директор на Ал Џезира Балканс и Едхем Фочо, еден од директорите – одлучија да ја затворат телевизијата. Ѓоѓиќ и Фочо, наводно дејствувале многу арогантно, што придонело уште повеќе за одлуката за затворање.
Се вели дека од продукцијата на AJB биле извлечени големи суми пари во корист на компанијата „Фото Арт“.
Се поставува прашањето, зошто е ангажирана компанијата „Фото арт“ кога Ал Џезира имала капацитет да прави сè сама, бидејќи секоја година добивале речиси 20 милиони долари од Доха.
Патем, компанијата никогаш не била во позитива и секогаш редовно добивала донации од Доха близу 20 милиони долари годишно.
Едхем Фоко, еден од директорите на Ал Џезира, неодамна отпатувал во Турција за да се сретне со Вадах Канфар, поранешниот генерален директор на Ал Џезира, човек кој има добри и развиени односи со сопствениците на Ал Џезира, но и тоа било залудно.
