Руски патнички авион со околу 50 лица, кој исчезна за време на летот, е пронајден урнат во источниот дел на Русија, во близина на границата со Кина. Според првичните информации, нема преживеани.
Станува збор за авион од типот Ан-24 на авиокомпанијата „Ангара“ со седиште во Сибир, кој летал кон градот Тинда, но исчезнал од радарите додека прелетувал над регионот Амур.
Спасувачите продолжуваат да се движат кон местото на несреќата, соопштија надлежните служби. Хеликоптер Ми-8 кој бил дел од потрагата не успеал да слета поради теренот, па спасувачките екипи биле принудени да продолжат пеш.
Russia: An-24 passenger plane with 49 people onboard crashed in Amur region. No survivors. pic.twitter.com/TEScGVgdPd
— Igor Sushko (@igorsushko) July 24, 2025Според гувернерот на регионот, Василиј Орлов, во авионот имало 43 патници, меѓу кои и пет деца, како и шест членови на екипажот.
Сите неопходни сили и ресурси се мобилизирани за потрагата по авионот, напиша Орлов на Телеграм.
Запалени остатоци од авионот биле пронајдени на падините на планина, само 15 километри од дестинацијата. Министерството за вонредни ситуации на Русија потврди дека фрагменти од трупот на авионот биле забележани во пламен од страна на хеликоптерот на Федералната агенција за воздушен транспорт.
Истрагата за причините за несреќата е во тек.
✈️🚨 Passenger plane crashes in Russia’s Amur region — over 40 people on board
A Soviet-made Antonov An-24 aircraft operated by Angara Airlines disappeared from radar near the town of Tynda while attempting a second landing approach. Emergency crews later found the burning… pic.twitter.com/MOO08NTbEP
— NEXTA (@nexta_tv) July 24, 2025
