Поскапуваат горивата, ова се новите цени
![Поскапуваат горивата, ова се новите цени](https://siustoragedev.blob.core.windows.net/sources/f5b08363-c38d-4490-be2f-2fde504d9635/articles/f41e9ef3-62c0-48f0-814d-10398ea95004/cc5b0f89-1537-4f32-a0dd-cae0d87a642d.jpg)
Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 0,32% во однос на одлуката од 5.2.2024 година.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,514%, кај дизелот за 1,750%, кај екстра лесното масло има намалување за 1,421% и кај мазутот намалувањето е за 2,590%.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,531%
Од 13.2.2024 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС - 95 81,00 (денари/литар)
Моторен бензин ЕУРОСУПЕР БС - 98 83,50 (денари/литар)
Дизел гориво ЕУРОДИЗЕЛ БС (Д-Е V) 79,50 (денари/литар)
Масло за горење Екстра лесно 1 (ЕЛ-1) 76,50 (денари/литар)
Мазут М-1 НС 40,732 (денари/килограм)
Малопродажната цена на бензинот ЕУРОСУПЕР БС-95 се зголемува за 0,50 ден/лит, додека малопродажната цена на бензинот ЕУРОСУПЕР БС-98 се зголемува за 1,00 ден/лит.
Малопродажната цена на ЕУРОДИЗЕЛ (Д-Е V) се зголемува за 1,50 ден/лит.
Малопродажната цена на Екстра лесното масло за домаќинство (ЕЛ-1) се намалува за 0,50 ден/лит и
малопродажната цена на Мазутот М-1 НС се намалува за 0,620 ден/кг.