Хајдук го испушти врвот во хрватската Прва фудбалска лига по епилогот во 29-то коло, но фудбалскиот великан од Сплит може да биде среќен што освои барем бод, за кој вистински јунак беше Александар Трајковски.
Македонскиот репрезентативец ретко добива шанса од Џенаро Гатузо, но во ситуација кога Хајдук беше приморан да напаѓач со играч помалку на теренот, популарниот Рино го внесе искусниот Трајковски во игра.
Тоа му даде посакуван резултат буквално во последната акција од натпреварот, бидејќи Алекс се најде на вистинско место во вистинско време, па така во 98-та минута донесе израмнување (1:1) и голем бод за Хајдук во битката за титулата.
Претходно, Локомотива стигна до предност пред крајот на првиот дел со страшен гол од слободен удар, а креатор на истиот беше Карачиќ.
Во вториот дел, Хајдук остана без Лучиќ кој заработи црвен картон, но и во такви услови, домаќините успеаја да се изборат за бод на „Пољуд“.
𝗔𝗷𝗺𝗼 𝗕𝗶𝗷𝗲𝗹𝗶! ❤️💙
HDTV na MAXtv-u!https://t.co/HLmC3mLq59 pic.twitter.com/8AQYhF53UO
— Hajduk Digital TV (@HajdukDigitalTV) April 13, 2025
